12
март
2018
"Талас жұлдызы - 2018"
ТАЛАС ауданы әкімдігі білім бөлімінің ұйымдастыруымен "Болашаққа бағдар: рухани жаңғыру" аясында "Талас жұлдызы - 2018" атты мектеп оқушылары арасында аудандық əн байқауы жоғары деңгейде өтілді. Қазақ халқының мәдениетінің алтын жəдігері болған халық əндерінің рухани құндылығын арқау етумен бірге, заманауи əндерді орындау арқылы өнер сүйер оқушылардың талғамын шыңдауға бағытталған байқауға 6 - 17 жас аралығында 35 үміткер қатысты. Д.А.Қонаев атындағы орта мектебінен 9 - 12 жас аралығындағы байқауға Төлеубекқызы Динара 6 "Б" сынып оқушысы мен Əйтімбет Жұлдызай 3 "Б" сынып оқушысы қатысып, бағын сынады. Байқау қорытындысына сәйкес Төлеубекқызы Динара - жүлделі 3 - орынды иеленсе, Əйтімбет Жұлдызай - "Көрермендер көзайымы" номинациясын иеленіп, арнайы диплом жəне бағалы сыйлықпен марапатталды. Өнер өлкесіне қанат қаққан өнегелі өркендерге: өмір - дүние иірімінде қанаттарың талмай, биікке самғап, көкке өрлеңдер демекпіз.
