28
апрель
2018
"Бірлік - елдің салты"
Қаратау қаласындағы Д.А.Қонаев атындағы орта мектебінде 1 Мамыр - Қазақстан халықтарының бірлігі күніне орай "Бірлік - елдің салты" атты мәдени іс-шара жоғары деңгейде өтілді. Қойнауына қасиет құт дарыған өлкеде 130-дан астам ұлттар мен ұлыстар тату-тәтті ғұмыр кешуде. Ата-бабамыз достық ұғымын ерекше құрметтеп, "Қырғыз-қазақ бір туған" , "Өзбек - өз ағам" , "Түбі бірге - түрікмен" деп бірлікке шақырған. Бірлігі жарасқан білім ұясының оқушылары "Ақ көгершін" , "Әрқашан күн сөнбесін" əндері аясында "Достық" атты би өнері арқылы қазақ, орыс, өзбек, татар, үнді халқының өнерін ұсына отырып, флеш-моб билеп, іс-шара шырайын аша түсті. Іс-шара барысында мектеп оқушыларының өн бойынан: бейбітшілікті жақтайтын, достықты құрметтейтін, тыныштықты сақтайтын, жұдырықтай жұмылған ұрпақ өсіп келе жатқандығы байқалды. "БІРЛІК - БІЗДІҢ ҚАСИЕТТІ ТУЫМЫЗ!" деген бірлігі жарасқан жастарға,тек қана алға демекпін. Келешек бүгіннен де нұрлы!
