Педагогтың кәсіби шеберлігін арттыру және инновациялық көзқарастағы мұғалімді қалыптастырудың педагогикалық негіздері

Бекітемін

Мектеп директоры

________ Г.Токбергенова

 

Д.А.Қонаев атындағы орта мектебінің педагогикалық

 кеңесінде білім беру ұйымының қызметінің үлгілік ережесі

 ретінде қаралып, бекітілді.

29.08.2017 жылғы педагогикалық кеңестің

 № 1 хаттамасы.

 

Ғылыми – әдістемелік кеңес туралы

ЕРЕЖЕ

І. Жалпы ережелер

1.1. Ғылыми-әдістемелік кеңес нақты тұжырымдамалық ережелерді, амалдарды, идеяларды басшылыққа ала отырып, мектепте ғылыми негізде жүзеге асыруға ұмтылатын, әрі еркін түрде педагогтарды біріктіретін ұжымдық қоғамдық, кәсіби ұйым болып табылады.

1.2. Ғылыми-әдісмелік кеңес алқалы ұйым. Оның шешімін мектептің әкімшілігі бекіткеннен кейін күшіне енеді.

1.3. Кеңесті директордың ғылыми-әдістемелік ісі жөніндегі орынбасары – Төраға басқарады.

1.4. Біліктілігі жоғары мұғалімдер, мектеп әкімшілігінен тұратын ғылыми-әдістемелік кеңестің құрамы мектеп директорының бұйрығымен тағайындалады. Ғылыми-әдістемелік кеңестің құрамы кем дегенде 11 адамнан тұрады. Кеңестің отырыстарды ұйымдастыратын, оның хаттамасын жүргізетін, пікірлерді тарататын хатшысы сайланады.

1.5. Ғылыми-әдістемелік кеңес өз жұмысында білім беру мен басқару саласында қабылданған заңдылықтар мен нормативтік құжаттарды, мемлекеттік жалпыға міндетті стандарт талаптарын басшылыққа алады.

ІІ. Ғылыми-әдістемелік кеңестің міндеттері мен қызметі

            Ғылыми-әдістемелік кеңес:

2.1. мектепті дамытуға, оқыту үрдісін ғылыми-әдістемелік, соның ішінде инновациялық қамтамасыздандыруға бағытталған стратегиялық маңызды ұсыныстарды қарастырады, дайындайды, бағалайды;

2.2. мектептің стратегиялық құжаттарын (мектептің даму бағдарламасы, оқу бағдарламалары, оқу жоспарлары) дайындауды ұйымдастырады, оны сынақтан өткізеді;

2.3. мектептің негізгі даму бағытына сәйкес білім беру үрдісінің тұжырымдамасын дайындауды ұйымдастырады және оған түзетулер енгізеді;

2.4. мектептегі әдістемелік жұмыстың нәтижелілігіне және оның жағдайына талдау жасайды;

2.5. ғылыми-әдістемелік жұмыстың құрылымы мен педагогикалық қызметтерін, құрамын жетілдіру мен оған өзгерістер енгізу бойынша ұсыныстар жасайды;

2.6. мектептің жалпы дамуына ықпал ететін жаңашылдықтар мен зерттеулер нәтижелерін және олардың барысын талдайды;

2.7. педагогтардың кәсіби шеберлігі мен құзыреттіліктерін дамытуға мақсатты бағытталған жұмыстар жүргізеді;

2.8. педагогтарға инновациялық әрекеттер, зерттеу жұмыстары, кәсіби өзін-өзі жетілдіру мәселелері бойынша кеңес беруді (өз күшімен немесе арнайы білікті мамандардың көмегі арқылы) ұйымдастырады;

2.9. мектепте жүзеге асырылатын кешенді зерттеу жобаларының нәтижесі мен оның барысын қадағалайды, бақылайды;

2.10. мектепті инновациялық үрдістермен қамтамасыз ету бойынша ұсыныстар жасайды, енгізілген ұсыныстар бойынша мақсатты жұмыстар жүргізеді;

2.11. әдістемелік кеңестің әрбір мүшесі кеңестің барлық отырысына қатысуға, оның жұмысына белсенді араласуға, жүктелген тапсырмаларды уақтылы және нақты орындауға тиісті.

ІІІ. Ғылыми-әдістемелік кеңестің құқықтары

            Мектептің ғылыми-әдістемелік кеңесі:

3.1. мектепте жүзеге асырылатын барлық педагогикалық үрдістерді зерттеу және зерделеу мақсатында қажетті ақпаратты талап етуге;

3.2. ғылыми-әдістемелік кеңес жұмысына қажетті басқа ұйымдар мен мекемелерден білікті мамандарды, сарапшыларды, кеңесшілерді шақыруға;

3.3. мектептің жұмыс жоспарына сәйкес жүргізілетін тексерулерді ұйымдастыру мен өткізуге атсалысуға;

3.4. ғылыми-әдістемелік кеңестің құзыретіне кіретін сұрақтар бойынша мектеп директорына ақпарат беруге құқылы;

Мектептің әдістемелік жұмысы

1. Мектептің әдістемелік жұмысының жүйесі

      Мектепте әдістемелік жұмысты әдістемелік кеңес басқарады. Әдістемелік кеңеске директордың оқу-әдістемелік жұмыс жөніндегі орынбасары басшылық жасайды. Пән бірлестіктері мен құрылған шығармашылық топтар әдістемелік кеңесте өз жұмыстарына есеп беріп отырады. Пән әдістемелік бірлестіктеріне тәжірибесі мол, ғылыми ізденісте шыңдалған мұғалімдер жетекшілік етеді.

Әдістемелік жұмыс үш түрлі қызмет атқарады:

1. Әр ұстаздың педагогикалық әрекетке шеберлігін қалыптастыру. (сабақты тиімді жоспарлау; жетістік пен кемшілікке дұрыс талдау жасай білу; жоспарлы іс жасау іскерлігі, т.б.).

2. Бірлесе қимылдап ұжымды ортақ ортақ шешімге келуге жұмылдыру, мектепте педагогикалық пікірлестер ұжымын құру.

3. Озық және жаңа  педагогикалық іс-тәжірибелер жетістіктерін енгізу.

Әдістемелік жұмыстың түрлері: 1. Жалпы мектеп бойынша өткізілетін шаралар (әдістемелік кеңес, педкеңес, семинар, пед.оқу, ғылыми-практикалық конференция). 2. Топпен өткізілетін шаралар (пәндер бойынша әдістемелік бірлестіктер). 3. Жеке жүргізілетін шаралар (мұғалімдердің өздігінен білімін жетілдіруі).

       Мектепте мұғалімдердің ақпараттық мәдениетін қалыптастыру, жаңа педагогикалық технологияларды оқып үйрену, шығармашылық ізденісті ұйымдастыру, ұстаздардың іс-тәжірибесіне қажетті технологияны таңдап алу, оның өсу деңгейін бақылап отыру ісін ұйымдастыру, авторлық бағдарламаларды жасауға басшылық ету, жаңа педагогикалық технология бойынша ұстаздармен ғылыми жұмыстар жүргізу мақсатында  «Ізденіс» орталығы құрылған.

«Ізденіс» орталығында:

І. «Кәсіби даму» мектебі; Мақсаты: Мектеп мұғалімдерінің оқу үрдісінде жаңа технологияларды оқып-үйреніп бүгінгі күн талабына сай қолдана білу, шығармашылық жұмыспен айналысуына мүмкіндік жасау. Шығармашылық топтар:

1. «Деңгейлік саралап оқыту технологиясына» сай жұмыс істейтін математика пәні мұғалімдері.

2. «Интерактивті оқыту әдістеріне» сай жұмыс істейтін жоғары сынып мұғалімдері

3. «Жаңартылған білім мазмұны бойынша» оқыту технологиясына сай жұмыс істейтін бастауыш сынып мұғалімдері.

ІІ. «Озат тәжірибе» мектебі. Мақсаты: Мұғалімнің инновациялық озық іс тәжірибесін зерттеу, жинақтау, оқу –әдістемелік кешендер, авторлық бағдарламалар құру, тәжірибе тарату .

ІІІ. «Жедел жәрдем» жас мамандар мектебі. Мақсаты: Жас мұғалімдерді қазіргі өмір талабына сәйкес, бағдарланған білім берудегі жаңашыл қызметте жаңа технологиялармен жан-жақты жұмыс істеуге жұмылдыру.